• жнiвень 2002 • litara.net • навiны

Вiтаю, дружа!

Вершы са збору “Марыя S.”
18 красавiка 2007 /лiтаратура/

Віктар Сямашка

“Кроў Сусвету”, Менск, 1996
12 студзеня 2007 /лiтаратура/

Валерыя Кустава

Адметнасць шляху ў апраметную для беларуса
12 студзеня 2007 /iнтэрвiю/

Валерыя Кустава

Дзень Дз
4 лiстапада 2006 /няшчырасьць/

Маnn Kurt

Зацірка
29 кастрычнiка 2006 /няшчырасьць/

Маnn Kurt

• Адам Глобус [e,ф,8]
• Аксана Бязьлепкіна [e,2]
• Алесь Аркуш [i,e,ф,6]
• Алесь Разанаў [1]
• Аляксей Бацюкоў [e,2]
• Аліса Бізяева [i,e,ф,17]
• Андранік Антанян [i,e]
• Андрэй Дынько [i,e,ф,3]
• Андрэй Курэйчык [i,e]
• Андрэй Хадановіч [i,e,ф,12]
• Валерыя Кустава [i,e,2]
• Валянцiн Акудовiч [i,e,ф,1]
• Вольга Караткевіч [i,e]
• Віктар Сьлінко [2]
• Віктар Сямашка [i,e,1]
• Вінцэсь Мудроў [i,e,ф]
• Ганна Гершвін [e,1]
• Ганна Кiслiцына [i,e,ф,7]
• Зьміцер Арцюх [e,1]
• Зьміцер Бартосік [i,e,ф]
• Зьміцер Вішнёў [i,e,ф,3]
• Зьміцер Дзядзенка [e,1]
• Людка Сільнова [1]
• Людміла Рублеўская [i,e]
• Лявон Вашко [4]
• Лявон Вольскі [i,e]
• Лявон Юрэвiч [i,e,ф,2]
• Маnn Kurt [i,e,ф,14]
• Макс Шчур [e,2]
• Марыя Мартысевіч [i,e,2]
• Мікола Папека [i,e,1]
• Міра Лукша [i,e,1]
• Павал Сьвярдлоў [i,e,1]
• Павел Абрамовiч [i,e,3]
• Павел Надольскi [i,e]
• Палівач [e]
• Пятро Васючэнка [1]
• Севярын Квяткоўскі [i,e]
• Серж Мiнскевiч [i,e,ф,1]
• Славамір Адамовіч [1]
• Сяргей Астравец [i,e,1]
• Сяргей Сматрычэнка [e,1]
• Сяргей Шыдлоўскі [i,e,ф,1]
• Тацяна Сьлінка [e,ф]
• Уладзімер Арлоў [i,ф,1]
• Усевалад Гарачка [e,2]
• Францiш Богуш [e,1]
• Цiна Клыкоўская [e,1]
• Юрась Барысевіч [e,1]
• Юры Гумянюк [i]
• Ігар Бабкоў [e,7]
• Ігар Сiдарук [i,e]
• Ўжо ня дзевачка... [i,e,ф,1]
• Ільля Сін [i,e]
• Інэса Кур`ян [e]
• Ірына Хадарэнка [i,e,ф]

i - толькi iнфармацыя
е - ёсьць email
ф - ёсьць фота
лiчба - колькасьць матэрыялаў зьвязаных з аўтарам

жнiвень 2002

У інтэрнэце зьявіўся доўгачаканы другі нумар беластоцкага літаратурнага часопіса "Правінцыя" (з таемнай нумэрацыяй №3-4). Выхад папяровага варыянта гэтага пэрыёдыка стане падзеяй у літаратурным жыцьці Беларусі. Варта зазірнуць pravincyja.republika.pl

напiсаў Алесь Аркуш 28.08.2002, 14:12, 19 камэнтараў

На нашым сайце з'явіўся анлайн транслятар лацінкі (трансліту) у кірыліцу. Гэтая прымочка будзе карысна нашым замежным наведвальнікам, якія ня маюць магчымасьці пісаць свае камэнтары кірыліцай.

ЗЫ Асаблівая падзяка Каткоўскаму за ўсё харошае :)

напiсаў holzteller 27.08.2002, 21:41, 2 камэнтары

Дзьве прыеменыя навіны тэхнічнага пляну.
Па-першае, з’явілася магчымасьць падпісваць свае паведамленьні не лагінам, а імём (напрыклад “Ігар Бабкоў” замест “babkow”). Дзеля гэтага трэба ўнесьці адпаведныя зьмены ў вашыя настройкі. Зроблена гэта дзеля таго, каб зьмешыць ужываньне “псэўдонімаў”. Справа ў тым, што адназначнае аўтарства нейкага паведамленьня аўдыторыя можа ўстанавіць толькі ў тым выпадку, калі аўтар камэнтара пакінуў поле “псэўдонім” пустым. Раней некаторыя Літаранцы карысталіся гэтым полем, каб падпісваць свае паведамленьні ўласным імём, а не лагінам. Цяпер такой неабходнасьці няма – гэта можа адбывацца аўтаматычна.

Па-другое, у нас з’явіўся больш-меньш прыстойны пошук – цяпер наш сайт стане шчэ больш утульным.

напiсаў holzteller 26.08.2002, 18:50, 2 камэнтары

У выдавецтве "Тэхнапрынт" выйшла кніга паэзіі Тацьцяны Барысюк "Аўтапартрэт". Вершы Тацьцяны друкаваліся ў часопісах "Першацьвет" (цяпер няіснага), "Маладосьць", "Крыніца" (цяпер іншаісныя) і ЛІМе.
У "Аўтапартрэце" зьмешчаныя творы, напісаныя ў апошнія дзесяць год. Кніга даволі аб'ёмная — 180 старонак. Складаецца з чатырох разьдзелаў (падаем правапіс першакрыніцы): "Зачараванасць і расчараванне", "Філасофскі камень", "Bella-Русь", "Пунсовыя рабінавыя гронкі". Першыя тры разьдзелы маюць падразьдзелы. Некаторыя зь іх: "Ненавіджу і кахаю", "Ружовасць спадзавянняў", "Іерогліфы з-пад падушкі", "Пазалёсавасць", "Маланкавы боль", "Фомулы быція", "Ключ духоўнага адкрыцця", "Мацярынства" і інш.
Пасьляслоўе напісаў Віктар Шніп. Адкуль цытата: "Творы яе (Тацьцяны Барысюк — С.М.) прыцягваюць да сябе сваёй незвычайнай для сённяшняга веку шчырасцю, якую б іншы паэт, магчыма, ці асьмеліўся б выносіць на суд чытачоў. Але ці можа паэт быць няшчырым? Не можа, бо паэзія без шчырасці — гэта проста зарыфмаваныя радкі, якія ніякіх адносін да паэзіі не могуць мець…"

напiсаў Серж Мiнскевiч 22.08.2002, 14:34, дадаць камэнтар

У бiблiятэцы starbel.narod.ru - новыя паступленнi. Змешчана каштоўная крынiца па ваеннай гiсторыi Бел. - 2 раздзел Статута ВКЛ 1588 г. "Аб абароне земскай" starbel.narod.ru/statut1588_2.htm

"Акафiст Iсусу" (1522 г.), якi належыць пяру Ф.Скарыны - дарэчы, шэдэўр бел. духоўнай паэзii. starbel.narod.ru/akafiis.htm

Зусiм падзабытыя 20 вершаў нашага земляка, жыўшага ў 17 ст. у Маскве starbel.narod.ru/gadz.htm Рукапiс знойдзены ў Швецыi. Вершы не саступаюць па мастацкiх якасцях нават рымшавым цi С.Полацкага. Шведскi славiст Н.А.Нiльсан лiчыць аўтарам вiленскага шляхцiча Стахея Гадзалоўскага:

Аще бы мощно по моей оруде
в полю буяти а жить на свободе,
звез[д]ъ бым доскочилъ. Ест ли трава в небе -
зведалъ бы всего ко моей потребе.

Бым преплолъ море, вибегал все поля,
а з горъ доскочилъ небеснаго кола.
Всеми силами изведати о волность ся кусилъ,
всяко бым человеку голдовати мусилъ. (Гэта пра каня).

Засiм ухаджу ў працоўны водпуск )))). Наступныя тэксты з'явяцца мабыць у кастрычнiку.

напiсаў litskevich 20.08.2002, 17:47, дадаць камэнтар

Напрыканцы ліпеня монстр з Бум-бам-літа Ільля Сін сьвяткаваў вясельле ў будынку Акадэміі навук. Прывіды акадэміі былі спалоханыя, таму паказвалі свае сівыя зяпы выключна праз шкло бутэлек. Сябры-літаратары Ганна Кісліцына, Юрась Барысевіч, Серж Мінскевіч, Валянцін Акудовіч, Вольга Гапеева не спалохаліся, а падтрымалірашэньне Сіна. Падавалі кінзмараўлі і малдаўскае віно. Было пьяна і весела.

Як высьветлілася, вядомы пэрформер знайшоў сваю музу падчас вандроўкі па Альпах. Таму зараз маладая сямья выправілася адпачываць і глытаць медавуху ў горы. Разам з Альгердам Бахарэвічам і Ксеніяй Брэчка.

Ад рэдакцыі: гэтую навіну ў запячатанай бутэльцы нам прынеслі хвалі р. Лошыцы. Наступным разам сп. Марскі Воўк абяцаў быць больш актульным і карыстацца больш сучаснымі сродкамі сувязі.

напiсаў MarskiVouk 19.08.2002, 19:40, 1 камэнтар

Выйшла кніга Лявона Юрэвіча "Літаратурны рух на эміграцыі". Набыць можна ў кнігарні "Акадэмічная кніга" і на сядзібе БНФ.

напiсала alice 15.08.2002, 21:17, 1 камэнтар

Некалькі дзён таму ў Кіеве, у выдавецтве “Факт”, выйшла кніга вершаў Андрэя Хадановіча па-ўкраінску.

Кніга называецца “Лісты з-пад коўдры”. Сярод
перастваральнікаў вершаў Хадановіча на ўкраінскую такія вядомыя паэты й перакладчыкі паэзіі, як Сэргій
Жадан, Максым Стрыха ды іншыя. Прадмову да кнігі – “Андрэй Хадановіч і перавагі акупацыйнага рэжыму” – напісаў Юрый Андруховіч. У якасьці пасьлямовы
зьмешчаны верш Уладзімера Арлова “Мне прысьніўся Хадановіч”. Прэзэнтацыі кнігі адбудуцца ў верасьні-кастрычніку ў Кіеве, Львове, Івана-Франкоўску й Харкаве.

Інэса Кур'ян, Серж Мінскевіч

напiсала alice 15.08.2002, 20:08, 13 камэнтараў

У сецiве працуюць два рэсурсы, прысвечаныя старабеларускiм лiтаратурным i гiстарычным крынiцам. На старонцы www.stihi.ru/author.html?litskevich
патроху змяшчаюцца вершы, напiсаныя нашымi землякамi ў 16 - 18 ст. У лiпенi ад гэтай старонкi адпачкаваўся рэсурс starbel.narod.ru
Гэта электронная бiблiятэка, якая папаўняецца ўсiмi магчымымi спосабамi :))). Есць колькi тэкстаў Скарыны, Л.Зiзанiя, Буднага, Цяпiнскага, Рымшы, першы раздзел Статута ВКЛ 1588 г., розная польшчызна, хронiкi, дакументы, лацiнскi арыгiнал Герберштэйна (16 ст.), англiйскi арыгiнал Самуэля Колiнза (17 ст.).

напiсаў litskevich 14.08.2002, 10:10, дадаць камэнтар

У каталёзе выданьняў зьявіўся агляд новага часопісу "Зямля N".

напiсала alice 13.08.2002, 20:06, дадаць камэнтар

Выйшаў новы нумар часопіса ARCHE. Як гаворыцца ў слове ад рэдакцыі: “Абставіны прымушаюць “ARCHE” стаць трыбунаю для ўсіх – нягледзячы на эстэтычныя разыходжаньні, розьніцу пакаленьняў”.

На гэты раз часопіс прапануе інтэрвію Андрэя Дынько з Анатолям Кудраўцом, літаратурныя тэксты: Славамір Адамовіч “Амэрыканскі дзёньнік”, Уладзімер Арлоў “Маша і мядзьведзі”, версэты Алеся Разанава “Заваёўнікі”; публіцыстыку: Сямён Букчын “У пошуках беларускай ідэі”, Мікола Рабчук “Эмансіпацыя слова “самвыдаў” супраць “дзяржвыдаву”, Сяргей Запрудскі “Моўная палітыка Беларусі ў 1990-я гады” ды інш.

На Літары ўжо абмяркоўваюць артыкул Валеркі Булгакава “Пагібель “беларускіх пісьменьнікаў”, далучайцеся.

напiсала alice 13.08.2002, 18:16, дадаць камэнтар

У выдавецтве Логвінава выйшла кніга Сяржука Мінскевіча “Менскія санэты”, аздобленая графікай мастака Дучыца. Прадмову да кнігі напісала Інэса Кур’ян, пасьляслоўе належыць пяру Андрэя Хадановіча. Прэзентацыя адбудзецца у межах “Канцлягера Бобр”.

Выйшла кніга Леаніда Маракова “100 мініяцюр” накладам 100 асобнікаў. Рэдактары М.Гіль і Ул.Арлоў. Выдавецтва ATHENAEUM. Кошт: 5900 руб.

напiсала alice 08.08.2002, 14:55, дадаць камэнтар

З'явілася магчымасьць атрымліваць анонсы новых артыкулаў а таксама апошнія навіны на ваш email. Зараз на гэты сэрвіс падпісаны ўсе зарэгістраваныя карыстальнікі літары. Калі нехта жадае адпісацца - зрабіць гэта можна на стронцы настроек.

Яшчэ такая заўвага. Згодна логам сэрверу, бальшыня наведвальнікаў кожны раз, калі завітваюць да нас, занава ўводзяць свае лагін і пароль. Але рабіць так нязручна; таму ў тым выпадку, калі вы заходзіце да нас са свайго сталага працоўнага месца (напрыклад з хаты), вам дастакова залагініцца толькі адзін раз - прыбраўшы птушку насупраць поля "чужы кампутар".

напiсаў holzteller 07.08.2002, 21:19, 21 камэнтар

6-10 верасьня сёлета ў Менску адбудзецца штогадовы міжнародны фэстываль пэрформансу Navinki.
Адкрыцьцё - а 15-й гадзіне ў Музэі сучаснага мастацтва - 6 верасьня. Куратары: Віктар Пятроў, Дзяніс Раманоўскі.
Больш падрабязную інфармацыю неўзабаве можна будзе прачытаць на старонцы фэстывалю ў сеціве - navinki.smufsa.nu.

напiсала Alia 05.08.2002, 13:53, дадаць камэнтар