|
|
| Вiтаю, дружа! |  |
|
| увайсьцi | зарэгiстравацца |
|
|
| |
А вы лепей у самой галавы запытайцеся, хто лепшы… Ужо ў яе дакладна ёсьць галава на плячох )))  напiсала Ўжо ня дзевачка... 31.10.2002, 23:12
Чаму прэмія называецца "ДРАЎЛЯНЫ САКРАТ"? Мо' лепш "Галава Драўлянага Сакрата"? напiсала Ўжо ня дзевачка... 31.10.2002, 23:15
Не пазвалям! Вярніце галаву на плечы. напiсаў Палачане 31.10.2002, 23:33
А галава і будзе вызначаць. Журы толькі агучыць па беларуску вырок. напiсаў Ігар Бабкоў 31.10.2002, 23:47
"Драўляная галоўка Сакрата" — так яшчэ лепей, асабліва для дзяўчатак. Вылучаю: Бізяяву-Бараяву, Кісьліцына, Белую, Шыдлоўскую, Еву Дынько, Пашкевіч(Дзядзьку), Дугіну-Удугаву,Андрэя Алексіевіча і Сьвятлану Хадановіч. Вылучыў і стала лягчэй. напiсаў Адам Глобус 31.10.2002, 23:52
Вылучаю Сяргея Шыдлоўскага за тэкст "Прастора гераічнага" ("Правінцыя", №3-4). напiсаў Алесь Аркуш 01.11.2002, 07:42
Драўляны сакрат, гліняны вялес, не хапае толькі драўлянага чэлеса. Прапаную драўляны чэлес таржэственна уручыць Адаму Глобусу. Заслужыў. напiсаў Палівач 01.11.2002, 16:58
З якога дзерава Сакрат? напiсаў Цікаўны 01.11.2002, 20:50
Яблыня. напiсаў а 01.11.2002, 21:05
А я думаў з дубу. Зь яго неяк больш адпавядае, хаця й рызыкоўна… напiсаў Раман Кардонскі 01.11.2002, 21:42
Прысуджаецца яна маладым інтэлектуалам. Маладыя - гэта якія? напiсала Ўжо ня дзевачка... 01.11.2002, 22:51
Дзевачцы Маладыя - тыя, хто не ўваходзіць у склад "журы". Вызначаць па бухгалтарскі ня хочацца. Палівачу Палівач, вы такі мілы… Тульскі самавар, драўляны чэляс - гучыць як песьня. напiсаў Ігар Бабкоў 01.11.2002, 23:40
Бабкову Дзякуй на добрым слове. А дарэчы, звычайна кандыдатаў вылучаюць, а вы вы іх высоўваеце. Да чаго гэта? Вось так высунеце, а потым засунеце назад, ды не туды. Непарадак.:) напiсаў Палівач 02.11.2002, 09:13
Мне здаецца, што назва крыху кпіць зь Глінянага вялесу. Драўляны, гліняны… Што далей будзе? Зялезны Фенікс? Яшчэ адно? Зь якога дрэва Сакрат? Мо з дубу? Сакрат дуб…? напiсаў Проста Н 02.11.2002, 13:23
У Самаварыю: Эх, каб ты, самаграй тульскі, выхоўваўся ў прыстойных мясцінах, дык быў бы не генітальным пісакам, а геніяльным. І ведаў бы ты, што ў галаве Сакрата галоўная дэталь — НОС, нюхаўка, дышаль, шнобель… І заслужыў я Шнобеляўскую прэмію, і ўрачыста ўручыць яе мне Дамавік Васілявіч Вій. Ну а драўляны чэлес пакінь у сваёй мяшчанскай гаспадарцы, пратэзіст ты наш перыферыйны. напiсаў Адам Глобус 02.11.2002, 16:25
Часопіс, які не выходзіць, абвясьціў прэмію, якой няма, са складам журы зь немашыстаў. "Зь нічога і будзе нічога!" — сказаў паэт і меў рацыю. напiсаў Навінка 02.11.2002, 16:58
Таварышу Глябальнаму: А я думаў, што ў галаве Сакрата галоўная дэталь лоб. Эх, што ў лоб, што по лбу… напiсаў Палівач 02.11.2002, 17:17
Ты жывеш у краіне, у самым цэнтры якой ляжыць труп. Каб гэтаму трупу надаць чалавечнасці, каб труп стаў самым чалавечным чалавекам, майстры метафары і прыдумалі брэнд — у Леніна сакратаўскі лоб. Майстры слова прадалі лысіну свайго правадыра за лоб Сакрата. Ты ў палоне бальшавіцка-расейскіх штампаў, гаспадзін туляк. напiсаў Адам Глобус 02.11.2002, 18:11
Большасьць з нас усё яшчэ жыве ў краіне з назвай СССР. І Адам Глобус і, нават тыя, хто за акіянам. Думаеш лёгка пазбавіцца ад СССра? Ён у мазгах. Паспрабуй выкінь.Паспрабуй, Адам. напiсаў Палівач 02.11.2002, 18:36
Божа, якія страсьці Драўляны Сакрат - гэта ж проста нагода сказаць добрае слова тым людзям, якіх мы цэнім, падтрымаць іх. Каб не было так самотна… Больш нічога напiсаў Ігар Бабкоў 02.11.2002, 19:46
Палівачу на Дзяды: У сераду, у горадзе Масква-ква-ква правяралі ў мяне пашпарт. Правяральшчык круціў яго ў руках круціў, гартаў, перагортваў, каб пропуск выпісаць у выдавецтва. Накруціўшыся, пачаў нумар іспанскай візы перапісваць. "Чё делаеш?" "Номер паспарта пішу!" "Эта віза, а номер здесь!" "А я думал у вас такіе паспарта…" Вось і ты думаеш, што ў нас СССР у галаве і на пашпарце. Гэта табе малюнак з натуры. А аснова іншая, грунт, на якім я стаю, маё выхаванне было такім, што каштоўнасці эсэсэсэраўскай імперыі не лічыліся вартымі захаплення. Лёс такі: тата пісьменнік, суседзі літаратары… Дзяргай, Матукоўскі, Караткевіч, Махнач, Стральцоў, Дзеружынскі, Мальцінскі, Вітка… Ты думаеш, калі я пяцігадовы хадзіў з татам у госці да Сяргея Дзяргая, аднаго з лепшых беларускіх паэтаў, мы там пра СССР гаварылі? Ці калі Караткевіч пакідаў мне ключы ад сваёй кватэры ён гаварыў: "Валодзя, любі СССР"? Ваш СССР забраў у майго дзеда Валодзі ўсю зямлю, а ў прадзеда Івана кузьню і зрабіў у той кузьні клуб. Вось і выходзіць, што дзяды, бацькі і суседзі не паважалі і не любілі краіну з абравіатурным назовам СССР. Няма пяцірогіх зорак на іх магілах і не будзе. Тут у нас дні такія ідуць сумна-празрыстыя Дзяды называюцца. Вось і згадаў я сваіх і чужых дзядоў. напiсаў Адам Глобус 02.11.2002, 20:11
Пра дзядоў-прадзедаў Адзін прадзед не вярнуўся з І Сусьветнай. У другога была і зямля і луг, які і дасюль яго іменем называюць. У каго цяпер тая зямля з лугам вядома. Аднаго дзеда пасадзілі перад вайной, за тое, што капу сена накасіў.У вайну ваяваў, трапіў у акружэньне, вярнуўся дахаты. У 43-м прыйшлі саветы. Штрафбат. Закінуў за 30 км ад дому. Баба адна вырасьціла шасьцёра дзяцей. Другі дзед - Палівач, партызаніў, памёр ад ранаў у 46-м, зусім маладым. Баба, якую немцы ледзь не спалілі разам зь дзяцьмі, вырасьціла адна трох дачок. Ніхто з маіх сваякоў не быў камуністам. Што, будзем цягацца Дзядамі? Глупства. напiсаў Палівач 02.11.2002, 20:52
Палівачу: Пра дзядоў гаворыцца рамантычна, цёпласлоўна, як Ігар хацеў. Пра розныя пратэзы Ігару не падабаецца, але магу пра іх… Драўляная галава Сакрата — пратэз філосафа. напiсаў Адам Глобус 02.11.2002, 22:20
Цікава, а якое дачыненьне вашыя, спадарства, радаводы маюць да прэміі "няіснуючага" (с) часопісу? напiсаў Раман Кардонскі 02.11.2002, 22:30
Усім: Раскрычэліся, дзядкі драўляныя… напiсаў Плачка 03.11.2002, 23:15
Плачка: праўда шо, прэмія ж для маладых, а дзядкі расрычаліся :))) напiсала Ўжо ня дзевачка... 04.11.2002, 14:14
Прапаную даць прэмiю Серабракову. напiсаў Жэншчына з вяслом 04.11.2002, 15:29
Максім Шчур - малады, інтэлектуал, бяз вызначанага мейсца пражываньня ў гуманістыцы. напiсаў Navum 04.11.2002, 16:18
Прабачце, калі прэмію даюць "маладым" - тым, хто не ўваходзіць у склад "журы", то ў журы што, старыя дзядзкі сядзяць? Развялі тут герантасакратыю… І наогул, прапаную прэмію пакінуць у Бабкова. Ён усё роўна такую каштоўнасць нікому не аддасць: прыемна ж пагаманіць з Сакратам, філасофскую маладосць успомніць, можа, дыялог які спаяць… напiсаў вучань Сакрата 06.11.2002, 09:57
Даме з вяслом. Я цалкам згодная з кандыдатурай Серабракова. Прапанова наступная: нахай уладальнік прэміі вызначаецца падчас паедынку. Інтэлектуальнага, але лепей, канеше, баксёрскага… напiсала anita 06.11.2002, 10:03
пакаленьне філёзафаў-баксёраў :) муаххаххааахха.. напiсаў талеркін 06.11.2002, 13:12
jasche pra toje, shto "Часопіс, які не выходзіць, абвясьціў прэмію, якой няма, са складам журы зь немашыстаў". Wy, peuno, nie wiedajecie, shto Nadbaltyckie Centrum Kultury u Gdansku orhanizouwaje kanferencyju pierakladchykau "z krajow nadbaltyckich" - i jak wam, spadarstwa, padajecca, udzielniki buduc' adkul? Z Polschy, Rasiei… Ukrainy i Bielarusi! Pasla hetaha uzho premija Frahmentau mianie nie zdziwlaje напiсаў kkot 06.11.2002, 19:18
Вы павiнны ўвайсьцi ў сыстэму або зарэгiстравацца (калi шчэ не зрабiлi гэтага), каб мець магчымасьць пiсаць камэнтары або навiны. | |
| ||||||||||||||||||||||||||||||||||||||||||||||||||||||||||||||||||||||||||||||||||||||||||
|
напiсаў 
