|
|
| Вiтаю, дружа! |  |
|
| увайсьцi | зарэгiстравацца |
|
|
| |
Дык хто зь ліцяратараў дзяйствіцельна ўмее гаварыць на трасянцы? :))  напiсаў rydel 14.09.2002, 23:42
Гэта трэба зьвяртацца да Лявона Вашка. Ён гэтай праблемый сур'ёзна займаецца. Нават піша артыкул па творчасьці Арлоўскага. напiсаў Алесь Аркуш 15.09.2002, 12:02
Трасянка актуальная для выданьняў шызоідных, дзьвухмоўных, кшталту "Народная няволя" дый "Несвабодныя навінкі", а таксама для сайтаў там.бай-бай. І абмяркоўваць гэтую трасцу варта тамака. Пра сур'ёзнага Вашка зусім прыкольна. Колькі яго памятаю — ён быў гумарыстам, толькі аднаго разу злаваўся, калі я пакрыўдзіў другога гумарыста — Івана Брыля. напiсаў Адам Глобус 15.09.2002, 12:53
Чытанула. Слова "пацеха" ў тэксце Марыны — само па сабе адзнака артыкулу. Якія гэта клубы — ой, не ведаю, куды ставіць націск! — фінансаваў Глобус? І чаму ў артыкуле гэтае слова пішацца "клюб"… Відаць, на літару "у" ўпалі две кропачкі ад глобусавага "ё" і слова муціравала… напiсала anna 15.09.2002, 13:16
Ганна: Артыкул быў напісаны наркамаўкай. У дадатак, без Ё, і без Ў. Рэдагаваў яго я. "пацеха" - прапусьціў. Зараз выпраўлю. "Забава", "забаўка" - ці маеце яшчэ нейкія варыянты? "Клубы" (бел.) = "ягодицы" (рас.), "Клюб" (бел.) = "Клуб" (рас.). У арыгінале было, канечне, "клуб", але я выправіў, бо рабіць дыфэрэнцыяцыю паміж сракай і мейсцам сустрэчаў, па-мойму, трэба. Глобус жа сам папрасіў, каб яго пісалі праз літару "о", што я і раблю. "муціравала" - робіце заўвагі наконт клясычнага правапісу, а самі неяк дзіўнавата пішаце. напiсаў rydel 15.09.2002, 15:03
Трасянка актуальная для выданьняў шызоідных, дзьвухмоўных, кшталту "Народная няволя" дый "Несвабодныя навінкі", а таксама для сайтаў там.бай-бай. І абмяркоўваць гэтую трасцу варта тамака. Адам, вельмі стандарты погляд на праблему. Так кажуць практычна ўсе. Вы, напэўна, і артыкул не прачыталі. Рэч у тым, што трасянка абсалютна ні кім не вывучаецца. Ані мовазнаўцамі, ані сацыёлягамі, ані… пісьменьнікамі. А, чаму вы лічаце яе менш вартай увагі, чым літаратурную беларускую, ці літаратурную расейскую? У Нарвэгіі трасянка зьяўляецца адной з дзьвюх дзяржаўных моваў. напiсаў rydel 15.09.2002, 15:09
Рыдлю Пра Нарвэгію ня веру. Дыялект і трасянка розныя рэчы. Дыялекты вывучалі і будуць вывучаць. Трасянка ў кожнай асобы свая. Каб гутарка пайшла пра адну асобу, я б нават і не загаварыў на гэтым форуме. А тут нейкая хітрасьць, або недальнабачнасьць. Мяне заўсёды раздражняла прысутнасьць трасянкі ў мове літпэрсанажаў. Трасянка — мова крэолаў? Трасянка — дыялект віртуалаў, схаваных за нікамі ў подпісах пад песьнямі пра Бабкова? Носьбітам трасянкі ў свой час трэба было зьвярнуцца да лагапеда або да псіхолага, да доктара ім трэба…:-))) напiсаў Адам Глобус 15.09.2002, 16:52
Пра Нарвэгію. Райдл ня так выказаўся. Там проста аднаго разу ўзялі і зрабілі з трасянкі мову (абагульнілі, падгладзілі, сыстэматызавалі, нармалізавалі). А тады адзін дзядзька ўзяў і зрабіў яшчэ адну мову з дыялекта(ў). Паводле той самай мэтодыкі. Так цяпер і трымаецца. Адна мова з трасянкі (рыксмол або букмол), другая - з дыялектаў (лансмол або нюношк). Калі рабіць тыпалягічныя паралелі - гэта як трасянка і бел. мова. (Ролю расейскай там выконвае дацкая). Проста калі там пачаліся розныя незалежнасьці, ніхто толкам дацкую ня ведаў - хто как хацеў, так і гаварыў. А на дыялектах было сорамна - вёска. А ўсім хацелася па-гарадзкому. Так і выйшла. Але гэта даўнавата было. напiсаў ancalot 15.09.2002, 17:35
Спачатку трэба разабрацца, што такое трасянка, а што дыялект. Хто ведае? напiсаў Палівач 15.09.2002, 17:59
ды ўжо даўно разабраліся. доўга тлумачыць. найлепш пра гэта: Генадзь Цыхун. Крэалізаваны прадукт // ARCHE-Скарына, 6-2000. напiсаў ancalot 15.09.2002, 18:43
Мову мы з Марынай вучылі ў адной школе. Здаецца, там атрымаў атэстат і Дубавец. Вучылі нас на трасянцы, таму не разумею, чаго высцёбвацца. напiсала anna 15.09.2002, 20:33
Ганна: ??? Анцайлойт: дзякуй! :) ці ёсьць гэты артыкул Цыхуна ў www? напiсаў rydel 16.09.2002, 01:21
Вось лепш скажыце, як правільна на наркомаўцы пісаць — "сэкс" ці "секс", сэксуальны ці сексуальны? Мне карэктар ў адным тэксце пакінула і той і другі варыянт. А ў Крыніцы друкавалі "сэкс", але "сексуальны"… напiсала anna 16.09.2002, 12:05
???? Што, імёны настаўнікаў напісаць7 напiсала anna 16.09.2002, 12:07
rydel: archeweb.hypermart.net/6-2000/cychu600.h толькі ён штосьці сёньня не адчыняецца (учора было ўсё ў парадку) напiсаў ancalot 16.09.2002, 12:57
"Вучылі нас на трасянцы, таму не разумею, чаго высцёбвацца." Пытальнікі датычылі ня прозьвішчаў настаўнікаў, а гэтай фразы. Па-першае, мне здаецца, вы блытаеце "беларускую мову з памылкамі" і ўласна трасянку. Па-другое, я не зразумеў сэнсу апошняй крыху хамаватай рэплікі. Па-мойму, звычайны ad hominem, без дай-прычыны. "Сэкс" трэба пісаць праз "э" нават на наркамаўцы. Але культура мовы наркамаўскіх карэктараў звычайна вельмі нізкая, і вельмі часта сустракаю "секс". Напрыклад, зараз пачытаў гэтую Бязлепкіну - там спрэс "сіеееекс". Анацалот: У мяне адчынілася. Danke schön. напiсаў rydel 16.09.2002, 14:48
"Сэкс" трэба пісаць праз "э" нават на наркамаўцы. крыніцу… напiсаў ancalot 16.09.2002, 14:59
© "Я так думаю." :))) Ну вось, дарэчы, калі пошук зрабіць на "сэкс" у гугле, то адразу выскокваюць і тэксты на наркамаўцы: www.litara.net/doc/love-beaf liavon.virtualave.net/0017DHV.htm arche.home.by/1-1998/jevasys.htm arche.itgo.com/1-1998/jbaudr.htm напiсаў rydel 16.09.2002, 15:31
ну, значыць у жывой наркамаўцы балаган ня меншы, чым у тарашкевіцы. але ні ў водным наркаслоўніку сЭксу няма напiсаў ancalot 16.09.2002, 15:33
Значыць, я памыляўся. Sorry… напiсаў rydel 16.09.2002, 15:43
А я памятаю артыкул сп.Куноўскай з Нашай Нівы пазамінулага году. Вось, нават у іхным архіве знайшоў: knihi.com/nn/2000/30/14.htm Ва Ўкраіне таксама час ад часу зьяўляюцца навуковыя матэрыялы пра "суржык". Напрыклад, тут: www.krytyka.kiev.ua/articles/s7-10-2001. Але ў нас ніхто не прапаноўвае зрабіць гэтую "гаворку" сапраўднай мовай. Хіба што публіцысты выданьняў накшталт "Донецкий кряж", якія высуваюць аргумэнты а-ля: "всё равно на этой мове говорит больше людей, чем на галицкой". Ну гэта нашы ўкраінскія "прыколы"… напiсаў Donkey 16.09.2002, 18:44
Прачытаў я артыкул Цыхуна. Ўсё адно ня вельмі зразумела, што такое трасянка. Я, напрыклад, лічу трасянку расейскай мовай з беларускім вымаўленьнем. Дарэчы, сам тэрмін "трасянка" увёў Пазьняк(калі ня брэша). Кажуць, што Лукашэнка размаўляе на трасянцы. А Глобус не на трасянцы гаворыць, калі цьверды беларускі "Р" вымаўляе мякка? Дарэчы беларускі парадокс палягае ў тым, што амаль усе носьбіты беларускай літаратурнай мовы гавораць з расейскім акцэнтам, а беларусы, якія размаўляюць па-расейску - зь беларускім акцэнтам. напiсаў Палівач 16.09.2002, 20:27
Там рэдактарская зацемачка цікавая: АД РЭДАКЦЫІ НН. У лісьце спн. Куноўскай, на нашу думку, падмененыя паняцьці. Гэта наркамаўка супрацьстаіць, з аднаго боку, «трасянцы», з другога — тарашкевіцы. «Трасянка», у нашым разуменьні, — гэта расейскія словы, агучаныя «беларускім ротам». А тарашкевіца — гэта і ёсьць той «беларускі рот», перакладзены на пісьмо. «Трасянка» ў прынцыпе ня можа быць перададзеная на пісьме наркамаўкай, бо тая касуе асаблівасьці «беларускага рта», у выніку чаго і нараджаюцца грэблівыя адносіны да «трасянкі» як да паўмовы. Тарашкевіца ж робіць «трасянку» арганічнай часткай беларушчыны. Тут згадваецца, як на чыгуначным вакзале недзе ў Шуміліне матка ўшчувала сваю дачку маладзіцу, крычучы на ўвесь пэрон на чысьцюткай «тарашкевіцка-трасянскай» мове: «Ты чаму ўрош? Ня ўры!» напiсаў rydel 16.09.2002, 20:53
«беларускага рта» - вось яна радзімая трасянка. напiсаў Палівач 16.09.2002, 21:34
Усе слоўнікі падаюць праз "Е". У артыкуле на літары ў тэксце "каханне-біфштэкс" знайшла ўчора шэсць памылак, так што крыніца не сур"ёзная. Зараз мучаюся са словам "пастскрыптум". Побач з "постмадэрнізмам" ў гэтым "а" няма логікі. Ці не блытаю я сапраўдную трасянку з несапраўднай? Пасля філфаку універа? З чырвоным дыпломам і аспірантурай? Мне суржык падабаецца ў Сярдзючкі. Трасянка ў Сашы і Сярожы. Але ў жыцці гэта не смешна.. напiсала anna 16.09.2002, 22:21
Ну і чэм жэ вам не нравіцца трасянка? Эта жэ язык інціму і публічнасьці! напiсаў Малады Кршычка 16.09.2002, 23:50
Палівачу: А дзе гэта Вы мяне чулі, спадар Палівач? У Туле я ня быў, а на гомельскай тэлівізіі выступаў адзін раз, у 1989 годзе. напiсаў Адам Глобус 17.09.2002, 13:13
Я чуў гэта мяккае "Р" і яшчэ здаецца "Ч" з вуснаў паважанага Адама пад час прэзэнтацыі, калі было пытаньне "нешта мой першы малюнак вельмі падобны на апошні малюнак Глобуса…" (гэта не маё пытаньне! :-) Але мне глыбока аднакалярова - як і хто зь вядомых ці ня вельмі вядомых літаратараў вымаўляе, гаворыць на мове. Або было на мове. Гэта тыя хто будуць складаць аўдыя-курсы белмовы (а калі/ці будзе гэта?), або запісвае назвы прыпынкаў ("станцыя нЕміга"), або сьпявае песьні, во яны хай ужо зважаюць на дакладнасьць вымаўленьня. напiсаў Зьмiцер Лапцёнак 17.09.2002, 14:50
Я таксама чуў, ды ня толькі ў Глёбуса. Дарэчы мне адзін шаноўны адраджэнец выдаў сваю тэорыю гэтага: што мы больш па-расейску гаворым, вось таму нават Глёбуса прабівае на мяккое "Р". напiсаў Раман Кардонскі 17.09.2002, 16:03
дарэчы, беларуская мова не зьяўляецца роднай ані ў гарадах, ані ў вёсках (прынамсі, дзе я быў). "чыстая" беларуская мова (ну наколькі ў мяне яна чыстая :-) гучыць не натуральна. У горадзе, калі размаўляю з усімі па беларуску - а ў адказ - расейская. У вёсцы гавару па-беларуску - а тамака - трасянка. І тут і там нейкі псыхалягічны дыскамфорт. Зразумела, з гэтым трэба змагацца, гэта хай яны адчуваюць, але… напiсаў Зьмiцер Лапцёнак 17.09.2002, 16:58
дзіўна.. а мне падабаецца размаўляць. на ўсіх мовах, на якіх умею.. паўсюль… і дыскамфорт ніколі не быў звязаны з мовай… і мне так падабаемся мы, шматмоўныя :-)) ну.. змагацца.. змагацца - так так… уфррр. напiсала Tekla 17.09.2002, 22:09
Глобусу Не, не на гомельскім тэлебачаньні. Хаця ў 88-89 годзе я жыў у Беларусі(якраз у Гомелі). Я Ваш прыклад прывёў, каб пракаментаваць расплыўчасьць паняцьця "трасянка". А мог бы прывесьці прыклад Арлова ці нейкага Міхася Кавыля. Ды і сам, пэўна, ужо зь якім-небудзь акцэнтам гавару + фефекты речи :). напiсаў Палівач 18.09.2002, 10:11
2anna Па ідэі, "пастскрыптум" праз [а], бо ў другой палове слова націск на першы склад. У "постмадэрнізьме" націск - аж пад самы канчатак слова. Гэткая сабе, ведаеце, беларусізацыя лаціны. напiсаў Zban 18.09.2002, 10:12
Карацей, "О" застаецца, калі адлегласьць больш, чым тры склады? Ці я памыляюся? Калі ласка, не пытаецеся што ў мяне ў атэстаце па белмове, і колькі памылак знаходзіў у мяне Анацалот. напiсаў rydel 23.09.2002, 00:24
правіла больш-менш гэткае: калі ў складаным (зь дзьвюх асноваў) слове другая аснова мае націск на першым складзе - дык першая аснова ня мае дадатковага націску, калі ў другой аснове націск на другім складзе і далей - тады першая мае дадатковы націск,і тады, прыкладам, "застаецца О" напiсаў ancalot 23.09.2002, 12:56
Дзякуй за refresh. Я, як прачытаў твой допіс, адразу ўспомніў пра гэты дадатковы націск. напiсаў rydel 23.09.2002, 22:43
Дзякуй. напiсала anna 23.09.2002, 22:55
Pruvitanne. mne zdaezza schto kali nadaz belaruskaj move sapraudnu afizuinu haraktar, kali yae uzuvanne budze dzyargaunaj spravay trasianka perastane adugruvaz takuyu vialikuyu rolu jak zaraz. напiсаў Nastasjya 28.09.2002, 15:55
На трасянцы ў ЖЖ маленькія аповеды Бурбалкі.Малайчына!Я не ўяўляла, што гэта магчыма, але…здымаю шляпу. напiсала nata 29.09.2002, 13:00
Pisac niapravilnaj bielaruskaj lacinkaj - heta taksama trasianka. Ale trasianka bols vysokaha uzrouniu. напiсаў bielarecki 27.11.2002, 20:44
www.pravapis.org/gb.asp - ад сягоньняшняга дня ў нас ё гасьцявуха. Так што можаце крыцікаваць і вабшчэ… :))) напiсаў rydel 23.12.2002, 23:14
"A Minority Vote. Belarusian, German Minorities In Poland's Political Life In 1989-99." A Book Review. www.pravapis.org/art_belarusian_minoriti (in English) Btw, anybody knows if it's available from an online bookstore somewhere? напiсаў rydel 28.02.2003, 16:54
"Спадарожнік па Менску. 1930г." - 1930 г. Нават камуністы пісалі зь мяккімі знакамі - 1930 г. Нашу сталіцу нават бальшавікі афіцыйна называлі Менск, а не Мінск - 1930 г. Амаль 60% менскіх школаў былі беларускія - 1930 г. У Менску было толькі дзьве расейскія школы - 1930 г. У нашай сталіцы было тры (3) тэлефоны-аўтаматы - 1930 г. Адна хвіліна размовы з Масквой каштавала даражэй, чым ноч у гатэлі "Эўропа" - 1930 г. У горадзе было толькі два маршруты трамвая і адзін аўтобуса - 1930 г. У Менску было шмат габрэйскіх школаў і спэцыяльныя габрэйсікя аддзелы ў музэях і ў міністэрствах (наркомах) - 1930 г. Тэлефонныя нумары мелі па 3-4 лічбы - 1930 г. Заходняя мяжа пачыналася за Радашковічамі і Негарэлым. Больш падрабязна - www.pravapis.org/art_minsk_guide.asp напiсаў rydel 19.03.2003, 20:56
Зьявілася другая частка фундамэнтальнага артыкулу пра дзеепрыметнікі: * www.pravapis.org/art_dziejeprymietnik2.a Дзеепрыметнікі з суфіксам -л- напiсаў rydel 19.03.2004, 14:11
Трасянка як нацыянальны брэнд і крыніца натхненьня Севярын Квяткоўскі, Менск Трасянка – сумесь моваў. Беларуска-расейскай трасянкай у той ці іншай ступені карыстаюцца да сямідзесяці працэнтаў насельнікаў Беларусі. Тым ня менш фэномэн трасянкі застаецца вельмі мала дасьледаваным. Яна лічыцца нечым ганебным: рэччу, на якую ў культурным месцы не прынята зьвяртаць увагі. З другога боку, трасянка сталася сродкам камунікацыі і аб’ектам творчасьці ў альтэрнатыўных культурніцкіх колах. Гэта яшчэ адзін фэномэн найноўшай гісторыі Беларусі, які дасьледуе карэспандэнт “Свабоды”. www.svaboda.org/articlesfeatures/society напiсаў пэленг 24.01.2006, 13:04
Трасянка – зьнішчэньне ці абарона беларускай мовы? Севярын Квяткоўскі, Менск Моўная трасянка – шырока распаўсюджаная ў Беларусі зьява. Паводле ацэнак навукоўцаў, мяшанае маўленьне зь перавагаю або беларускіх, або расейскіх элемэнтаў характэрнае для большай часткі насельніцтва Беларусі. Часам можна пачуць меркаваньне, што трасянка – гэта натуральная абарона беларускай мовы ад русыфікацыі. Радыё “Свабода” працягвае дасьледаваць фэномэн трасянкі. www.svaboda.org/articlesfeatures/society напiсаў пэленг2 26.01.2006, 10:27
Вы павiнны ўвайсьцi ў сыстэму або зарэгiстравацца (калi шчэ не зрабiлi гэтага), каб мець магчымасьць пiсаць камэнтары або навiны. | |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
