|
|
| Вiтаю, дружа! |  |
|
| увайсьцi | зарэгiстравацца |
|
|
| | Retshyz-news створаны: 18.09.2008, абноўлены: 22.10.2008 22:33, камэнтароў: 7 ПАЭТЫЧНЫ ВЫБУХ БІБЛІЯТЭЧКІ “ДЗЕЯСЛОВА” Бібліятэчка часопіса “Дзеяслоў” ў верасьні папоўнілася адразу дзьвюмя кнігамі вершаў: “Анадыямэна” Галіны Дубянецкай і “Няхай нас не пакіне Восень” Тацяны Сапач. “Анадыэямэна” Дубянецкай – кніга-легенда, якую прыхільнікі яе таленту чакалі можа зь дзесятак гадоў. Рэдкая зьява ў беларускай літаратуры – “паэтка без кнігі”. Менавіта такую характарыстыку даў некалі Дубянецкай паэт Міхась Скобла. Былі незлічоныя публікацыі ў друку, анталёгіі, пераклады на розныя мовы, выступы перад прыхільнікамі… Нарэшце таемны паэтычны сьвет Галіны, які столькі часу хваляваў, трывожыў, зачароўваў і абуджаў пачуцьці, увасобіўся ў кнізе сапраўднай паэзіі. Прычым, рыхтуючы сваю першую кнігу, Галіна засталася вернай сабе: “Анадыямэну” ўпрыгожылі малюнкі таленавітай мастачкі Алены Ткачовай…. …Тацяна Сапач пасьля выхаду сваёй першай кнігі паэзіі “Восень”(1992 год) таксама таямніча “сыйшла ў цень” кожнадзённай творчай працы, перакладала з літоўскай і польскай моваў, доўгі час вяла на Літоўскім тэлебачаньні праграму “Віленскі сшытак”, нарадзіла і выхавала дачку, якая робіць першыя крокі ў літаратуры (Тэда Лі) таксама. Кніга паэзіі “Няхай нас не пакіне Восень” (“DO NOT ABANDON US, AUTUMN”), якая выйшла ў бібліятэчцы “Дзеяслова” таксама незвычайная. Тацяна вяртаецца да сваёй ранейшай паэзіі, якая аніколькі не зрабілася набыткам літаратуразнаўцаў, якая па-ранейшаму можа інтрыгаваць, якая дорыць чытачу незвычайны настрой, нясе энергэтыку жыцьця. Усе вершы паэтычнай кнігі Тацяны Сапач зьмяшчаюць побач пераклады на ангельскую мову легендарнай дасьледчыцы украінскай і беларускай літаратур Веры Рыч, а канчатковае рэдагаваньне іх спадарыняй Ірынай Дубянецкай (доктар філазофіі і тэалогіі, знаўца шматлікіх моваў), толькі дадало перакладам дакладнасьці і эстэтычнага бляску.  напiсаў Sys 18.09.2008, 14:44
“Жыць не страшна”… з Барысам Пятровічам Ураджайным на добрыя кнігі выдаўся сёлетні верасень: выйшлі з друку анталогія сусветнай паэзіі ў перакладах «Галасы з-за небакраю», кнігі Дануты Бічэль "Хадзі на мой голас" і Валерыя Казакова "Цень гобліна", паэтычныя зборнікі Галіны Дубянецкай і Тацяны Сапач. І вось чарговы літаратурны набытак – у выдавецтве “Медысонт” убачыла свет новая кніга фрэсак Барыса Пятровіча “Жыць не страшна”. “Фірмовы” жанр пісьменніка – фрэскі – у параўнанні з ранейшай кнігай Пятровіча («Фрэскі», 1998.), працягвае эвалюцыйнае развіццё: ад кароткіх навэл да прозы ў вершах. За дзесяцігоддзе “літаратурнага жыцця” фрэскі Пятровіча сталі прэтэндаваць на жанравую самастойнасць, паколькі па сваёй форме і змесце нагадваюць ужо традыцыйныя, надзейна замацаваныя ў літаратуры жанры — аповеды і мініяцюры. Але жанравае наватарства пісьменніка не абмяжоўваецца толькі фрэскамі, якія “пішуцца за адзін раз, як малююцца ў храме – пакуль не высахла тынкоўка”. У папярэдняй кніжцы Пятровіча “Шчасце быць…”(2004.) аўтар прапанаваў чытачу мроі, трызненні, версіі. “Проза Барыса Пятровіча выбіваецца з агульнай плыні сучаснай беларускай літаратуры. Ён смела эксперыментуе, «прымушае» сваіх герояў трапляць у незвычайныя жыццёвыя сітуацыі, балансаваць на мяжы явы і сну, рэальнага і ўяўнага. Менавіта гэтыя агульныя рысы характэрныя як першаму зборніку аўтара, так і другому — зборніку «Фрэскі” – адзначала ў артыкуле “Навацыі Барыса Пятровіча” Надзея Такунова (“Маладосць”, 2/2008.). Новая кніга “Жыць не страшна”, якая складаецца з чатырох лагічна завершаных частак, акрамя багатага філазафічнага і жыццёвага зместу, прываблівае і цвёрдай, па мастацку аформленай вокладкай, што мусіць скіроўваць будучых чытачоў да неаднаразовага прачытання. А што да гэтай кнігі ўзнікне жаданне вярнуцца яшчэ раз – проста перакананая. напiсаў sys55s 19.09.2008, 15:08
Паэтку Аксану Спрынчан віншавалі ў Душанбе 9 верасня ў Маскве былі абвешчаны імёны лаурэатаў і намінантаў міжнароднай прэміі “Садружнасць дэбютаў” 2008 года сярод маладых паэтаў. Сярод сямі спецыяльных дыпломаў Аргкамітэта - намінантка з Беларусі Аксана Спрынчан. Аўтарытэтнае журы пад старшынствам Надзвычайнага і Паўнамоцнага амбасадара Рэспублікі Азердайджан у Расіі Палада Бюль Бюль аглы 18 верасня ў Душанбе пад час правядзеньня III-га Форума творчай і навуковай інтэлегенцыі дзяржаў-удзельніц краін СНД павіншавала паэтку з перамогаю у намінацыі “За філасофскую лірыку”. Даведка “Litbel”: Міжнародны конкурс і прэмія “Садружнасць дэбютаў” заснавана з мэтай падтрымкі творчай моладзі да 35 гадоў у красавіку 2008 года і будзе штогод праводзіцца сярод прадстаўнікоў розных творчых і навуковых накірункаў: мастакоў, матэматыкаў, фізікаў і г.д. напiсаў litbel 24.09.2008, 15:15
“Каўказ радасці” ад Зміцера Строцава Майстра перфомансу, літаратар і выдавец Зміцер Строцаў ладзіць аўтарскую вечарыну “Каўказ радасці” ў чацвер, 16 кастрычніка. У мінскім Палацы мастацтваў ён будзе чытаць вершы на фоне фотавыставы Максіма Чарнагалова. Пачатак вечарыны ў 18 гадзін. Падрабязней на "litbel.org" напiсаў litbel 13.10.2008, 15:34
Адгаманіла “Варшаўская восень ”… З 9 па 12 кастрычніка у Варшаве адбыўся ХХХVІІ міжнародны літаратурны фестываль “Варшаўская восень паэзіі”. Сёлетні форум, як дарэчы і заўсёды, быў надзвычай прадстаўнічым. У ім узялі ўдзел больш чым сто паэтаў з 20 краін свету, у тым ліку: з Кітая, В’етнама, Расіі, Украіны, Грэцыі, Сербіі, Венгрыі, Славеніі, Славакіі, Літвы ды іншых краін. Беларусь на фестывалі прадстаўляў паэт і бард Эдуард Акулін. напiсаў sys55s 13.10.2008, 15:45
“Дух – гэта, людзі, Я!” Пад такім назовам 26 кастрычніка 2008 года ў вёсцы Гарошкаў, непадалёк ад Рэчыцы, адбудзецца традыцыйнае свята паэзіі ў гонар Анатоля Сыса. Сёлетняе свята праводзіцца акурат у Дзень народзін паэта. У свяце бяруць удзел родныя і землякі Анатоля, ягоныя сябры, а таксама вядомыя беларускія паэты, барды і мастакі. У тым ліку: Васіль Жуковіч, Леанід Дранько-Майсюк, Эдуард Акулін, Сяржук Сыс, Галіна Дубянецкая, Павал Змітрук, Ларыса Раманава, Андрэй Мельнікаў, Вальжына Цярэшчанка, Алесь Пушкін, Генік Лойка, Вадзім Болбас, Генадзь Лапацін ды інш. Ласкава запрашаем усіх, каму на справе, а не на словах, дарагі несмяротны Дух айчыннай паэзіі, хто любіць і памятае творчасць Анатоля Сыса — аднаго з найвыбітнейшых беларускіх паэтаў ХХ стагоддзя. Пачатак свята а 12–ай гадзіне на Гарошкаўскіх могілках, дзе адбудзецца адкрыццё надмагільнага помніка паэту. А 13-й – пачнуцца паэтычныя чытанні і бардаўскі канцэрт на падворку роднай хаты Анатоля Сыса. Ушануйма годна памяць Паэта, чыю творчасць называюць “жураўліным сэрцам” беларускай паэзіі! Для тых, хто жадае далучыцца да імпрэзы, кантактны тэлефоны: +37529 -7-68-56-14 (у Мінску) і +37533-6-72-24-60 (у Рэчыцы). напiсаў litbel 16.10.2008, 11:39
balachon.livejournal.com/379174.html nn.by/index.php?c=ar&i=20856 напiсаў śl.krot 22.10.2008, 22:33
Вы павiнны ўвайсьцi ў сыстэму або зарэгiстравацца (калi шчэ не зрабiлi гэтага), каб мець магчымасьць пiсаць камэнтары або навiны. | |
| ||||||||||||||||||||||||||||||||||||||||||||||||||||||||||||||||
|
